प्रतिनिधी – ठाण्यातील पाच हजारहून अधिक शाळकरी मुलांनी ‘आम्ही कधीही नशेच्या आहारी जाणार नाही, अमली पदार्थांपासून दूर राहू’ अशी शपथ घेतली. अणुव्रत विश्व भारती सोसायटीने आयोजित केलेल्या अणुव्रत गीत महासंगान कार्यक्रमादरम्यान ठाण्यातील रेमंड मैदानावर मुले जमली होती. अणुव्रत अनुष्ठान आचार्य महाश्रमणजी यांच्या आध्यात्मिक मार्गदर्शनाचा सर्वांना लाभ झाला. कार्यक्रमाला राज्याचे शिक्षणमंत्री दीपक केसरकर, ‘मित्र’चे अध्यक्ष अजय आशर, अतिरिक्त पोलिस आयुक्त महेश पाटील, मानवाधिकार आयोगाचे अध्यक्ष, निवृत्त न्यायमूर्ती के के ताटेड यांची प्रमुख पाहुणे म्हणून उपस्थिती होती.
अणुव्रत अमृत महोत्सवाअंतर्गत 18 जानेवारी 2024 रोजी ठाण्यात अणुव्रत गीत महासंगान या विशाल संस्थेचे आयोजन करण्यात आले होते. अनुव्रत विश्व भारती सोसायटीने भारताला अंमली पदार्थमुक्त करण्याचा आणि नवीन पिढीला नशामुक्त ठेवण्याचा संकल्प केला आहे. देश-विदेशातील एक कोटी लोकांना अंमली पदार्थमुक्त जीवनासाठी वचनबद्ध करण्याचा हा प्रयत्न आहे. या उपक्रमांतर्गत ठाण्यातील रेमंड मैदानावर आयोजित कार्यक्रमात पाच हजारांहून अधिक शाळकरी मुलांनी सहभाग घेतला. आचार्य श्री महाश्रमणजी यांनी उपस्थितांना मार्गदर्शन केले व नशामुक्त राहण्याची शपथ घेतली. यावेळी सर्वांनी आचार्य श्री तुलसी यांनी रचलेले ‘अनुव्रत गीत’ हे लोकप्रिय प्रार्थना गीत गायले.
कार्यक्रमाचे संयोजक श्री महेंद्र वग्रेचा यांनी लोकांना अंमली पदार्थांच्या नकारात्मकतेची जाणीव करून देणे आणि त्यांना नशामुक्त जीवन जगण्यासाठी प्रोत्साहित करणे हा या कार्यक्रमाचा उद्देश असल्याचे नमूद केले.
मानवाधिकार आयोगाचे सदस्य एम.ए. सय्यद, आमदार निरंजन डावखरे, शिवसेनेचे शिंदे गटाचे प्रवक्ते नरेश म्हस्के, ठाणे महापालिकेचे अतिरिक्त आयुक्त संदीप माळवी, भाजपा नेते संदीप लेले आदींची या कार्यक्रमाला उपस्थिती होती. जीतो एपेक्सचे चेअरमन सुखराज नहार, जीतो मुंबई विभागाचे अध्यक्ष पृथ्वीराज कथारी, जीतो ठाणे चेअरमन दीपक भेडा, टोरेंट पॉवरचे कार्यकारी संचालक जगदीश चेलारामानी, रेमंड ग्रुपचे चेअरमन शांतीलाल पोखरणा, रोटरी 3142 चे माजी जिल्हाध्यक्ष डॉ. मयुरेश वiर्के, शिरीष सोंगाडकर आदी उपस्थित होते.
